Йошкар-Олаште Калык-влакын келшымаш пӧртышт лиеш

Республикысе чоҥымаш, архитектура, илыме вер да коммунал озанлык министерстве Йошкар-Олаште ондак республикысе выставке рӱдерым ышташ ямдылыме проектно- сметный документацийым Калык- влакын келшымаш пӧртыштлан пужен ышташ электрон аукционым эртара. Документацийым шушаш ийын 18-ше январь марте ыштен шуктыман. Калык- влакын келшымаш пӧртыштым Первомай урем ден Ленин проспект ушнымаште, ондаксе «Йошкар-Ола» унагудо олмышто, чоҥаш палемдыме. Тушто икмыняр ий ончыч негызым ыштыме да тугак чоҥалтде шогышо объектлан шотлалтеш.  Проект почеш тушто ныл пачаш лийшаш, кажне пачашыже ныл метрат пеле кӱкшытан. Ик пачашыже подвалыште лиеш. Икымше пачашыште вестибюль, гардероб, буфет, офис пӧлем- влак верланат. Кокымшо пачашыште- 150 еҥлан универсал зал, изи конференц-зал, кабинет да моло пӧлем- влак. Кумшо пачашыште совещаний зал, президиум пӧлем, каныме вер, кабинет- влак лийыт. Пӧртым йошкар кермыч дене чоҥат, ош мрамор дене сӧрастарат.