Российын Банкше почмо омса кечыш ӱжеш
Поро йӱла семын Российын банкше шке омсажым уна- влаклан почеш. 28-ше сентябрьыште Почмо омса кечын оласе калык элысе финанс системын эртыме корныжо да кызытсе илышыж дене палыме лийын кертеш. Тушко 10 гыч 18 шагат марте мияш лиеш. Банкыш пурымаште инкассаторын каскыж ден бронежилетшым чиен ончаш, инкассатор автомобильын кабиныштыже войзалташ, службын историйжым пален налаш лиеш. Тений банкын кок пачашыштыже пайдалым да оҥайым ончаш йӧным ыштат. Мутлан у финанс технологий дене палдарат, кибермошенникым кузе пален налаш туныктат, оксан чын улмыжым пален налме мастер- класс лиеш. Толшо- влакым да йоча-шамычым эше шуко оҥай вуча. Банкын адресше: Палантай урем, 67-ше пӧрт.