Юл кундем округыштат террорист- влакын «пыжашыштым» пален налме

МВД ден ФСБ тений идалык тӱналтыш гыч Юл кундем округысо кок регионышто террорист- влакын «пыжашыштым» муыныт. А элна мучко тений ФСБ ден МВД-н сотрудникше- влак 17 кундемыште Российыште чарыме «Ислам кугыжаныш» террорист организацийын шолып пашам ыштыше тӱшкаштым рашемденыт да кученыт. Кокытшо мемнан округысо Самара да Саратов областьлаште лийын. 2018-ше ийын лектышыже почеш, экстремизм дене кылдалтше осал паша элыштына 16 процентлан шагалемын. Тений икымше пелийыште 314 тыгай осал пашам рашемдыме. Тидыже 17-ше ий деч 58 процентлан шагалрак. 2018-ше ийыште экстремизм шотышто осал пашам интернетыште ыштыме. Нуно экстремизмым шараш, ужмышудымашым ончыкташ ӱжмаш дене кылдалтыныт.