Вич минуташ фильмым войзо да ик миллион теҥгем сеҥен нал

Российыште режиссёр конкурс тӱналеш. Тудын приз фондшо- ик миллион теҥге. Тений кеҥежым Росийысе 1100 олаште эртыше «Уремысе кинофестивальын» командыже самырык режиссёр- влаклан «А4» у конкурсым тӱҥалеш. Тудлан кагазым лукшо «Снегурочка» предприятий полша. Тидлан вич минуташ марте кӱчык фильмым войзен, организатор- влаклан колташ да жюрин акшым эрташ кӱлеш. Конкурс кокымшо ий эртаралтеш. Кодшо ийын тудо уло эл гыч 256 фильмым поген. Сеҥышыш самырык режиссёр Иван Семененко лектын. Конкурсым умбакыже шуяш йодыныт. Тыге тудо тений уэш эртаралтеш. Сеҥыше ик миллион теҥге оксам налеш. Тушко ушнаш йодмашым эше ик тылзе жапыште колташ лиеш. Марий Элыште «Уремысе кино» фестиваль 42 площадкыште эртен. Тушто эн сай фильм- влакым ончыктеныт.