Октябрь гыч пригородный поезд-влак коштмым чарнат

Республикысе траснпорт министерствын увертарымыж почеш теле графикыш куснымылан кӧра, октябрь гыч пригородный поезд-влак коштмым чарнат. Тиде: Озаҥ гыч Йошкар-Олаш кугарнян, шуматкечын да рушарнян 15 шагатат 10 минутышто лекше поезд 18-ше октябрь гыч, Йошкар-Ола гыч Табашиныш тиде кечылаштак 18 шагатат 50 минутышто кайыше состав 18-ше октябрь гыч, Табашино гыч Йошкар- Олаш шуматкечын, рушарнян да шочмын вич шагатыште лекше поезд 19-ше октябрь гыч, Йошкар-Ола гыч Озаҥыш  шуматкечын, рушарнян да шочмын 7 шагатат 46 минутышто кайыше поезд 19-ше октябрь гыч коштмым чарнат. Тыгак Бирюли гыч Волжскыш 19 шагатат пелыште тарваныше поезд Краснозаринск марте гына толеш.