Этнокультура шинчымашым пуымо пашам цифр корныш кусарат

3-шо гыч 5-ше октябрь марте Йошкар-Олаште «Цифровая трансформация в этнокультурном образовании» тӱнямбал шанче- педагогик форум лиеш. Тудын цельже- этнокультурный материалым цифрыш кусарыме ончыкылык корно- влакым палемдымаш да проблемыжым рашемдымаш, этнокультуро шинчымашым пуымаште цифран технологийым кучылтмо опытым каҥашымаш да келшыше йӧным рашемдымаш. Программыште пленарный заседений, вич секцийын пашаже, йыргешке ӱстел йыр мутланымаш, шанче вашмутланымаш да тӱвыра мероприятий- влак лийыт.