Росстат калык переписьым вес ийыш кусараш темла
Тений октябрьыште Российысе калыкым возен налме переписьын тӱҥ йыжыҥже эртышаш ыле. Росстат тудым вес ийыш кусараш темла. 30-шо мартыште тора, корныдымо кундемлаште переписьын тӱҥалтышыжым кусараш пунчалме ыле. Жапым кусарымаш лектыш да тудын качествыжлан эҥгекым ок ыште,- ойла Росстатым вуйлатыше Павел Малков. Мӧҥгешла, у онлайн- технологий- влакым кучылташ сайын ямдылалташ йӧн лектеш. Тидыжак Российыште икымше цифран переписьын ойыртемжылан шотлалтеш. Но кызыт чарыме мероприятий- влаклан кӧра, инфраструктурым да оборудованийым ямдылаш, персоналым туныкташ жап шагал кодеш. Мо-гынат, Переписьым эртарыме жапым Российын Правительствыже палемда.