Кугунур селаште тӱвыра пӧртым тений июльлан олмыктен пытарат
Оршанке районысо Кугунур селаште тӱвыра пӧртым тений июльлан олмыктен пытарышаш улыт. Тушто пашам февральыште тӱналме. Ачалыме паша «Тӱвыра» калыкле проект кышкарыште шукталтеш. Тиде сомыллан тӱрлӧ кӱкшытан бюджет гыч вич миллионат 700 тӱжем теҥем ойырымо. Чоҥышо- влак леведыш шиферым профнастил дене вашталтеныт, кӱварым ыштат, пластик окнам шындат. Тӱвыра пӧртышто капитально олмыктымаш чоҥымо годсек лийын огыл. Тиде жаплан 47 ий эртен. Уэмдыме клубыш 10 коллектив, «Шонанпыл» йоча образцовый фрльклор ансамбль, «Какшан сем» фольклор ансамбль пӧртылшаш улыт.