Россий Правительстве вуйлатышын аламаштышыже Марий Элысе виктарыше командын лектышан пашажым палемден.

          Россий Правительстве вуйлатышын аламаштышыже Марий Элысе виктарыше командын лектышан пашажым палемден. Марий Элым вуйлатыше Юрий Зайцев Юл кундем округышто Россий Президентын Полномочный представительже пеленысе Советын заседанийыштыже лийын. Тудым Самара олаште Россий Правительстве председательын алмаштышыже Дмитрий Чернышенко полпред Игорь Комаров дене пырля  эртареныт. Тушто кундемлаште паша климатым саемдыме, экономикым вияҥдаш инвестиций чолгалыклан полшымо, технологийым да инфраструктурым вияҥдаш йӧным ыштыме нерген мутланыме. Вице-премьер палемден: Президент Владимир Путинын темлымыже почеш кураторство институтым ыштымаш сай лектышым ончыкта. Дмитрий Чернышенко Юл кундемысе вич регион коклаште Марий Элым лектышан пашам шуктышо, импортым алмаштыме пашам сайын  виктарыше командым ыштыме манын палемден. Марий Эл кызыт кӱкшӧ технологиян южо продукцийым- ужалкалымаште кучылтмо йӱкшыктарыше оборудованийым, электроустановка сатум, хроматографым лукмаште ончылно кая. Тений промышленный производствын индексше 102 процентым эртышаш, оптен колтымо продукцийын акше 216 миллиард теҥге утла лийшаш.
             Фото: Марий Элым вуйлатышын  администрацийжын увер дене пашам ыштыше пӧлкаже.