Йошкар-Олаште тений Изи Какшан эҥерым эрыкташ палемдыме

               Йошкар-Олаште тений Изи Какшан эҥерым эрыкташ палемдыме. Республикыште 2007-ше гыч 2017-ше ий марте ола кундемысе Изи Какшаныште эҥер пундашым йошкын, тӱрлӧ куштыра деч эрыктыме пашам шуктымо. Тудым эҥерын йогымо шке корныжым пӧртылташ, шкем шке эрыктен кертше манын ыштыме. Тений тиде пашам уэш тӱҥалаш лийме. Тиддеч посна «Ойыртемалтше вӱд объект- влакым арален кодымаш» регионысо проект кышкарыште тений да вес ийын Оршанке районысо Изи Кугунур ял воктене Ошла эҥерысе вӱд аралтыш пундашым эрыкташ планыш пуртымо. Палашлан: республикыште лу меҥге да утларак кужытан 169 эҥер 19 бассейныш пура. Тушечын 14 эҥер бассейнже Юл эҥер деке пура, молыжо- Виче эҥер деке. Кокшӱдӧ утла меҥге кужытан вич эҥер уло. Тиде –Рутка, Кугу Какшан, Изи Какшан, Элнет, Немда. Нунын деч посна эше 300 наре изи эҥер- влак улыт. Нуным аралыме да экологийым саемдыме шотышто пашам пӱртӱс поянлык министерстве чолган эртарен шога.
        Фото: МариМедиа.