Йошкар-Ола администрацийыште виктарыше компаний- влак дене совещаний эртен

            Йошкар-Ола администрацийыште виктарыше компаний- влак дене совещаний эртен. Нунын шотышто кудывечылам начар кучымо шотышто верысе калык деч ятыр вуйшиймаш пура. Вашлиймашым мэрын икымше алмаштышыже Лев Покровский эртарен. Тудо обслуживатлыше оргаизацийлам вуйлатыше- влаклан шижтарен: шуко пачеран пӧртлаште илыше- влак тыланда пашам пуышо улыт, полышлан нуно оксам тӱлат, но шукыжо годым пашам качественно шуктымым огыт уж. Олаште порядкым ыштымаш- мемнан пырля ыштышаш задачына. Пӧртла воктеч лумым  шупшыкташ виктарыше компаний- влаклан чыла йӧным ыштыме, лумым свалкыш яра налына. Леведышым олмыктышда- тротуар гыч тудым вигак кораҥдаш кӱлеш. Еҥ- влак нунын гоч тӧрштыл але келын коштшаш але машина корно дене кораҥ кайышаш огытыл,- каласен Покровский. Чаманаш логалеш, ола администрацийын ЖКХ да контроль пӧлкаже велым эре терген шогалтеш гынат, кундемлам кучымо шотышто виктарыше компаний- влак велым нарушений эре рашем шога. Сандене эре нарушенийым ыштыше- влак шотышто лицензионный контрольым пашаш колтымо лиеш.
             Фото: Йошкар-Ола администраций.