Тӱзландарышаш кумдык верч онлайн йӱклымашлан полшаш волонтёр- влакым регистрироватлаш тӱҥалыныт

              Тӱзландарышаш кумдык верч Россий кӱкшытан онлайн йӱклымашлан полшаш волонтёр- влакым регистрироватлаш тӱҥалыныт. Йӱклымаш 15-ше апрель гыч 31-ше май марте эрта. Волонтёр- влак йӱклымашке ушнаш лийме нерген калыкым увер дене палдарышаш, уэмдышаш объект- влак нерген каласкалышаш улыт. Волонтёр пашашке 14 ийым темыше кажне кумылан еҥ ушнен кертеш. Тений «Илыме вер да оласе кумдык» калыкле проект почеш онлайн йӱклымаш республикысе кум муниципал образованийыште эрта: Йошкар-Олаште, Волжскышто да Медведево ола шотан илемыште. Ушештарена: эн шуко йӱкым погышо объект- влак шушаш ийын тӱзландарышаш кундем- влакын перечньышкышт пурталтыт. Тӱзландарымашын волонтёржо радамыш тӱрлӧ ийготан еҥ- влак ушнат, но чылаштым икте уша: шке илыме верым, кумдыкым пагалымаш, тудым кызытсе жаплан келшышым, моторым, йӧнаным ышташ шонымаш. Регистрацийым элыштына поро пашан эн кугу платформыштыжо- ДОБРО.РФ сайтыште эрташ лиеш.
          Фото: Чоҥымаш да ЖКХ министерстве.