Марий Элыште сарзе- тунемме сбор- влак уэш эртаралташ тӱҥалыт

              Марий Элыште сарзе- тунемме сбор- влак уэш эртаралташ тӱҥалыт. Марий Элым вуйлатыше Юрий Зайцевын кӱштымыжӧ почеш Правительстве вуйлатышын икымше алмаштышыже, оперативный штабым вуйлатыше Евгений Кузьмин республикын сарзе комиссарже Кирилл Солодовник дене план почеш военынй сбор- влакым ямдылыме йодыш дене совещанийым эртарен. Палемдыме: кызыт сарзе комиссариат военно-учет специальность- влакым рашемдаш да документ- влакым радамлаш повесткылам пуэдат. Идалык еда Вооруженный вийын Генеральный штабым вуйлатыше запасыште улшо еҥ- влак дене сборым эртарыме шотышто планым пеҥгыдемда. Пытартыш ийлаште тӱрлӧ амаллан да пандемийлан кӧра сбор- влак эртаралтын огытыл. Военно-учёт специальность дене офицер- влакым ямдылыме тунемме сбор 17-ше март гыч 26-шо апрель марте 40 кече жапыште Озаҥысе высший танковый командный училище негызеш эрта. Сборыш ӱжмӧ еҥ- влакын паша верышт, кокла пашадарышт аралалт кодеш. Тыгак воин званий да должность дене келшышын окса тӱлалтеш.
             Фото: Марий Элым вуйлатышын  администрацийжын увер дене пашам ыштыше пӧлкаже.