Марий Элыште иймаш дене Российын Чемпионат ден Первенствыже эртат

             Марий Элыште иймаш дене Российын Чемпионат ден Первенствыже эртат. Нуно кодшо каныш кечылаште тӱналыныт. Тудым торжественно почмаште спорт-туризм министр Лидия Батюкова ден Российысе ЛИН спорт федерацийын генеральный директоржо Татьяна Ольхова лийыныт. Таҥасымашыште Российысе 35 субъект гыч, ДНР гычат, 200 утла спортсмен вийжым ончыкта. Марий Эл гыч паралимпий резерв спорт да адаптаций рӱдерын тренерже Василий Полянинын вуйлатыме 9 спортсмен ӱчаша. Командын лидерже- Россий сборныйын тӱҥ составшын еҥже, Россий чемпионатлан шуко гана призёржо, кеҥежымсе паралимпий модмашын той призёржо Клим Румянцев улеш.
           Фото: Лидия Батюкова.