Марий мер каҥашын конференцийышкыже элысе 9 регион гыч 200 утла еҥ погынен

              Марий мер каҥашын конференцийышкыже элысе 9 регион гыч 200 утла еҥ погынен. Эртыше шуматкечын Марий мер каҥашым ыштымылан 30 ий темме лӱмеш «Марий форум: шошо сессий» конференций эртен. Тудын пашаштыже Марий Эл правительстве вуйлатышын икымше алмаштышыже- влак Михаил Васютин ден Евгений Кузьмин, мер каҥашын еҥже- влак, Марий Эл, Татарстан, Башкортостан, Удмуртий, Свердлов, Киров, Угарман областьлан, Крым республикын да Моско олан марий актив, ветеран-общественник- влак участвоватленыт. Марий Элын лӱмжӧ дене Республикысе правительствым вуйлатышын икымше алмаштышыже Михаил Васютин ойлен. Пленарный заседанийыште марий мер толкын нерген кок докладым колыштмо, чолга еҥ- влаклан «Калыклан служитлымылан» шарнымашан знак- влакым кучыктымо. Погынышо уна- влак мер толкынын пашажым иктешленыт, ыштышаш пашам радамленыт. 
             Фото: Марий Элым вуйлатышын  администрацийжын увер дене пашам ыштыше пӧлкаже.