МарНИИЯЛИ-ште «Калык ончылно ойлымо культура» курс почылтеш
МарНИИЯЛИ-ште «Калык ончылно ойлымо культура» курс почылтеш. Шанче да шинчымашым шарыше акцийын участникше-влак калык ончылно шомакым ойлымо мастарлыкым уэмдаш, аудиторийын тӱткышыжым кучаш да виктараш, йодыш- влакым умылен колыштын чын вашмутым пуаш, ӱшандарышын ойлаш тунемыт. Курсым филологий науко доктор, МарНИИЯЛИ-н тӱҥ шанче пашаеҥже Любовь Абукаева эртара. Тунеммашын 90 процент жапше упражнений ден практикылан ойыралтеш. Курсыш 18 ийым темыше, калык дене сай кылым ышташ, лектыш дене мутланаш да колыштшо- влак дене мутланен цельыш шуаш шонышо- влакым ӱжыт. Курсын презентацийже 25-ше мартын лу шагатлан МарНИИ-н конференц-залыштыже лиеш. Презентацийыш да курсыш ушнаш йодмашым тыгай телефон дене налыт: 8 937 113 02 77.
