Йошкар-Ола гыч ансамбль тӱнямбал конкурсын гран-прижым сеҥен налын

            Йошкар-Ола гыч ансамбль «Калейдоскоп талантов» тӱнямбал конкурсын гран-прижым сеҥен налын. Чебоксарыште эртыше фестиваль-конкурсын Гран-прижым «Узоры» ансамбльын изирак тӱшкаже сеҥен. Ангелина Речкина ден Снежана Орлован вуйлатыме ансамбль «Калык мурымаш» номинацийыште ончыко лектын. Самырык мурызо- влак Чуваш кугыжаныш тӱвыра да сымыктыш институтын концерт –залыштыже гала-концертыште моштымашыштым ончыктеныт. Палемдена: «Бауман» лицей пелен ыштыме «Лира» йоча сымыктыш школын «Узоры» мурышо да куштышо йоча образцовый ансамльлан тений 32 ий темын. Тудо Россий да тӱнямбал кӱкшытан ятыр конкурсын лауреатше лийын.
       Фото: Ангелина Речкина.