Республикысе калыкым Тисте кече дене Александр Евстифеев саламлен

Таче Российын Кугыжаныш Тистыжын кечыже палемдалтеш. Республикым вуйлатыше Александр Евстифеев Марий Элын правительствыже да шкенжын лӱмжӧ дене верысе калыкым Российын Кугыжаныш тистыжын кечыже дене саламла. Тиде пайрем ий гыч ийыш кӱлешан мер-политик событийыш савырна да калык-влакын икоян улмыштым, тукым ден тукым кокласе кылым пеҥгыдемда. Кугыжаныш тистым пагалымаш-  шке историйым, тӱвырам да йӱлам пагалымаш. Тудо- Россий дене кугешныме шижмашым шочыктышо виян элын символжо. Кугыжаныш тисте элын эрыкан да суверенитетан улмыжым ончыкта, патырле историйым да Ачамландын ончыкылыкшым ушен шога. Тиде пайрем кечын чыла калыклан пеҥгыде тазалыкым, тыныслыкым, улан илышым да сеҥымашым тыланем,- ойлалтеш республикым вуйлатышын саламлымашыштыже.