Эрла- Россий тистын кечыже
Эрла, 22-шо августышто, Россий мучко кугыжаныш тистын кечыже палемдалтеш. Тидын лӱмеш Йошкар-Оласе тӱвыра тӧнеж- влак тӱрлӧ мероприятийым ямдыленыт. Пайремлымаш тачак Россий Армийын тӱвыра полатыштыже шинчымашым пуышо программе дене тӱналын. Тушто Российын флагше нерген оҥай факт- влак дене палдареныт. Ленин лӱмеш тӱвыра полатын тӱжвал экраныштыже таче гыч 23-шо август марте «Россий флагын историйже» видеожурнал ончыкталтеш. А эрла, пайрем кечын, 13 шагатат 30 минутлан полат воктене асфальтыште сӱретлыме конкурс, 17 шагатлан концерт лиеш. Эрла тыгак Сеҥымаш паркыште, Сеҥымашын 30-шо идалыкше лӱмеш тӱвыра полат ончылно, Россий Армийын тӱвыра полатыштыже, книгагудылаште мероприятий- влак лийыт.