«Шекланыза, йоча- влак!» оперативно-профилактик операций тӱналын

Марий Элыште «Шекланыза, йоча- влак!» оперативно-профилактик операций тӱналын. Тудо у тунемме ий тӱҥалмылан пӧлеклалтын. Йоча- влакын корнышто эмганыме йодыш пӱсын шога. Тений идалык тӱналтыш гыч 78 ДТП лийын. Тушто кок йоча колен да 88 эмганен. Сандене ГИБДД пашаеҥ- влакын тӱҥ задачышт: йоча- влакын мӧҥгӧ гыч школыш кайымышт годым лӱдыкшыдымылыкым ыштымаш да туныктышо- влак дене пырля корно правилым ушештараш полшымаш. Кызыт нуно школ автобус- влакын маршрутыштым, корно гоч вончем- влакын келшен толмыштым, тротуар- влакын могайрак улмыштым тергат. Поснак школ автобус- влаклан тӱткыш ойыралтеш. 30-шо август гыч 6-шо сентябрь марте полиций пашаеҥ- влак школла воктене корно гоч вончымо верлаште дежурствым наҥгаяш тӱналыт. У тунемме ий тӱҥалышыште школлаште корно грамотность урок- влакым эртарат. Ача-ава- влак денат мутланат.