Волжск оласе прокуратура пеҥгыде шӱк-куштырам оптымо полигонышто тул пижмым терген

Волжск оласе прокуратура пеҥгыде шӱк-куштырам оптымо полигонышто тул пижмым терген да санитар да пӱртӱсым аралыме законодательствым пудыртымым рашемден. Палемдыме: Волжский районышто верланыше полигонышто 23-шо июньышто шӱкшак йӱлаш тӱналын. Полигоным «Благоустройство комбинат» акционер ушем куча. Санитар правил почеш полигонышто йӱлалташ ок лий да шке ылыж кертме лӱдыкшымат кораҥдыман. Тергымаш почеш «Благоустройство комбинат» директорын алмаштышыжлан административно мут кучаш да 30 тӱжем теҥге штрафым тӱлыкташ ыштыме. Ситыдымашым кораҥдаш комбинатлан представленийым пуымо. Прокурор вуйлатыше- влакым дисциплинарно мут кучаш шогалташ йодын. Мерым ыштыме деч вара тулым йӧртымӧ.