Эше ик ФАП ялысе калыкым куандараш ямдылалтеш

Шукерте огыл Морко районышто у ФАП-ын пашажым республикым вуйлатыше ончен лектын ыле. Идалык мучаш марте республикыште эше ик фельдшер-акушер пункт почылтшаш. Кызыт Оршанке районысо Марково ялыште ФАП-ым ышташ электрон аукцион мучашлалтын. Пашазе- влак тудым 1-ше октябрь марте мучашлаш шонат. Кызыт  модулян 11 медицина комплексым налаш контрактым ыштыме. Тудыжо 101 миллион теҥгем шога. Тидын нерген республикысе медицина организаций, страховой организаций- влакын вуйлатышыштын совещанийыштышт пале лийын. Тидеч посна, республикыште икымше медицина-санитар полышым пуышо рӱдерым ыштыме манын каласыме.