Санчурск корнын ик ужашыжым комиссий сайлан шотлен

Йошкар-Ола гыч Санчурскыш кайыме корно ятыр ий дене эн начар корнылан шотлалтын. Тудым 2017-ше ийыштак олмыкташ тӱналме. Тунам ик меҥге утла кужытым ачалыме ыле. Кодшо кугарнян кугыжаныш комиссий корнын 11-ше гыч 17-ше меҥгыже марте вич уштышат пеле кужытым эксплуатацийыш налын, пашам мучашлыме нерген актым пеҥгыдемден. Тушечын кок меҥгыжым кодшо ийын, кумытшым тений ыштыме. Тушто йуштӧ регенераций йӧным кучылтмо. Корно тӱрым пеҥгыдемдыме, корно пале- влакым, сигнал меҥгым вераҥдыме. Контарктын акше 212 миллион теҥгеш шуын. Корнын моло ужашыштыже 21-ше гыч 24-ше, 24-ше гыч 34-ше меҥге марте кужытышто йӱштӧ регенерацийым ыштен пытарыме. Таче кече гыч пеҥгыде чытышан, тыгыде кӱан да мастикан асфальтобетоным шараш тӱналме. Чоҥымо тургым мучаш марте Йошкар- Ола –Санчурск корным норматив марте шуктышаш улыт. Кум контрактын тичмаш акше 458 миллион теҥге лиеш. Корнын ныл ужашыжын кужытшо 30 меҥгым эрта.