Волжск олаште йӱштӧ жаплан ямдылалтыт
Волжск олаште йӱштӧ жаплан ямдылалтыт. Чыла сомыл пеҥгыдемдыме план да график почеш шукталтеш. Тымарте 8 котелым, 14 насос агрегатым, 4 вентиляторым, шикшым тулен лукшо 8 оборудованийым капитально олмыктымо. «Йӱдвел-касвел» микрорайонын котельныйыштыже контрольно- измеритель прибор да автоматике оборудованийым олмыктымо, «Машиностроитель» микрорайонын котельныйыштыже шинчал ямын оралтыжым, «Дружба» микрорайонышто шокшо вӱдым чумырышо верым тӧрлымӧ. Оласе калыкын пачерлаштышт шокшо да ласка лийшаш.
