«Дачный амнистий» умбакыже шуйна

«Дачный амнистий» манме умылымашым умбакыже шуйымо. Август тӱҥалтышыште у закон вийым налын. Тудо 2021-ше ий 1-ше март марте пӧртым чоҥаш тӱҥалме да мучашлыме нерген увертарымашым пуаш кулмӧ йодмашым кораҥда. Документ дене палемдыме: 2018-ше ий 4-ше август марте пайдаланаш пуымо сад участкылаште чоҥымо пӧртлан куштылгын правам регистрироватлыме да чоҥымо радамым 2021-ше ий 1-ше март марте шуйымо лиеш. Тидын годым илыме да сад пӧртлан правам регистрироватлыме да кадастр учётыш шогалтыме сомыл технический план почеш гына ышталтеш. Тидын годым чоҥаш шонымо але пужен ыштыме, пашам мучашлыме жап нерген увертараш ок кӱл. 2018-ше ий 4-ше август марте Сад пӧртым чоҥаш тӱналме да мучашлыме огыл гын, 2021-ше ий 1-ше март марте чоҥымо куштылемдыме радам темлалтеш. Пашам мучашлыме нерген гына увертараш кӱлеш. Тыгак у закон почеш 2022-шо ий 1-ше март марте сад товариществын еҥже- влаклан торг деч посна 2006-шо ийыште «Россий Федерацийын Мланде кодексшым илышыш пуртымо нерген» законын вийым налмыж марте пуымо мланде участкым шкалан яра налаш йӧным пуа. Тиддеч ончыч 2006-шо ийысе Федерал закон дене кусараш лийдыме погын озаже- влаклан пӧрт дене пайдаланаш разрешенийым налде, погым куштылгын регистрироватлаш правам пуымо ыле. Тудым «Дачный амнистий» манын лӱмденыт. Тений кокымшо августышто тиде датым шуйышо у законым пеҥгыдемдыме. Тыгеже «Дачный амнистийым» кок ийлан эше шуйымо.