«Ушан» машина корнышто лӱдыкшыдымылыкым шагалемдышаш

Корно лӱдыкшыдымылыкым ышташ манын, беспилотник- влакым кучылтмо концепцийын проектшым ямдылыме. Тудо федерал проектын ужашыжлан шотлалтеш.  Тудым ямдылымаште Российын транспорт министерствыже ден промторг министерствыже пырля тыршеныт. Тиде- отрасльым цифровизироватлыме черетан ошкыл. Концепций транспорт инфраструктурым лӱдыкшо деч посна кучылтмашке, тудын негызеш у сервис ден полышым ыштымашке виктаралтеш. Аварийым шагалемдаш полшышо мера- влак коклаште- айдеме факторын рольжым иземдымаш. Водительлан полшышо тӱрлӧ системе дене пойдарыме автомобиль, кугун автоматизироватлыме пилотдымо транспорт- влак лийшаш улыт. Пилот деч посна корнышто кошташ, тидын шотышто тӱшка политикым ямдылаш да инфраструктурым вияҥдаш тиде Концепцийын проектшым ыштыме.