«Территория смыслов» форумышто Марий университетын студентше эн кугу грантым налше тӱшкаш пурен

Самырык- влакын кеҥежымсе форумышт тӱрлӧ кундемлаште умбакыже шуйна. Теве шукерте огыл «Территория смыслов» Российысе самырык- влакын форумышт эртен. Марий университетын студентше Павел Садовин тушто сай сеҥымашыш шуын. Тудо кум миллион теҥгеаш грантым сеҥен налше команде радамыш пурен. Форум жапыште тудо моло кундемысе самырык еҥ- влак дене пырля, команде радамыште, «Байкал кажнылан» оҥай проектым ямдылымаште тыршен. Проект экологий шинчымашым шараш, ер кундемыш экспедиций дене мияш да фото пленэрым, мастер- класс ден лекций- влакым эртараш, Байкалын историйжым шымлаш полшышаш. Тыге эксперт комиссий проектлан эн кугу грантым пуаш лийын. Тыште Павел Садовинынат надырже уло.