Курык марий районышто ВИЧ инфекциян эше 10 еҥым рашемдыме

Курык марий районышто ВИЧ инфекциян эше 10 еҥым рашемдыме. ВИЧ эпидемий тазалыкаралтышым, айдемын праважым да вияҥмашыжым, социал сферым тӱкышо кугу проблеме семын палемдалтеш. Еҥлан вирус пижмеке, тудо вигак ок черлане, а вирус дене коштшо еҥ лиеш. Тӱжвач ончымаште таза еҥла коеш, но шкежат палыде, вес еҥлан тиде вирусым пижыктен кертеш. Молан манаш гын, вирус вӱрыш, ава шӧрыш, пӧръеҥын да ӱдырамашын вишкыдышкыже шыҥа. Марий Элыште ВИЧ инфекций дене учётышто кок тӱжемат 300 утла еҥ шога. Козьмодемьянскыште- 18, район мучко- 23. Козьмодемьянск оласе эмлыме верын ончыктымж почеш, тений Микрак илемыште вич еҥым, Йоласал кундемыште иктым, Троицко-Посад велыште кокытым, Козьмодемьянскыште-2 еҥым  пален налме. Курык марий районышто ВИЧ-лан кӧра тений ик еҥ колен.