Марий Элыште закондымын ужалымаш гыч вич тӱжемат 600 литр алкогольым поген налме
Марий Элыште закондымын ужалымаш гыч вич тӱжемат 600 литр алкогольым поген налме. Полиций пашаеҥ- влак «Стоп, алкоголь» акцийым иктешленыт. Акцийыш полиций пашаеҥ, мер калык да Роспотребнадзор виктемын специалистышт ушненыт. Нуно общепитын аракам темкален ужалыше 25 объектышкыже миеныт. Тушто 18 правонарушенийым рашемдыме, ныл вере ийготыш шудымо- влаклан темен пуэныт. Тиддеч посна лӱдыкшым лукшо спиртан йӱышым ужалымым пален налме. ППС сотрудник- влак Йошкар-Олаште 68 вере уремыште аракам йӱмым верештыныт да йӱшӧ вуя уремыште коштшо 27 еҥым кученыт. Акций эртыме жапыште вич тӱжемат 600 литр алкоголян да спиртан йӱышым закондымын ужалымаш гыч поген налме.