Марий Элым вуйлатышын стипендийжым налыт

 Республикым вуйлатышын стипендийжым налше- влакын чотышт ешаралтын. Марий Элым вуйлатышын Указшым илышыш шыҥдараш манын, эксперт советын пунчалже дене 2019-ше - 2020-шо тунемме ийыште «Олимпий резерв училищын» студентше- влак Анастасия Гурова ден Даниил Симоновлан стипендийым пуаш ыштыме. Ынде нуно сайын тунемшаш да спортышто кӱкшӧ лектышым ончыктышаш улыт.