Чавайн бульварыште йолын коштмо корным олмыктат

Йошкар- Олаште Чавайн бульварын Киров урем деч Воскресенский проспект марте ужашыштыже йолын коштмо корным олмыкташ тӱҥалме. Тудын кужытшо ик меҥгат 700 метрыш шуйна. Контрактым «Медведевоагродорстрой» ушем дене 44 миллион утла теҥгелан ыштыме. Тушто асфальт шартышым, бордюрым, волгалтарыше лампе- влакын меҥгыштым вашталтат, теҥгылым, урным, велосипед корным ыштат, йоча модмо площадке- влак лийыт. Южо теҥгылыште телефонын куатшым ешарыме вер, вай-фай лиеш.  Леведышан 8 теҥгылым ыштат. Коляске дене коштшо- влакланат корным келыштарат.