Ял озанлыклан да изи бизнесланат полыш лийшаш

Кокымшо стратегий сессийыште кок темым ончымо: ял озанлыкым да изи ден кокла предпринимательствым вияҥдымаш. Молан манаш гын, республике шке рӱдыштыжӧ гына огыл, моло кундемыштыжат вияҥшаш. Ял озанлык министр Александр Гречихон мутшо почеш, яллаште вӱдым ситарыме система начар, газ пучым шупшмаш, ФАП- влакым чоҥымаш, шӧрым пуышо вольык озанлык, йытыным куштымо сомыл вияҥдымашым вучат. Сандене ялысе кундемым тӱзландараш шым миллиард теҥгеаш республикысе программым ыштыме. Тыгак ял озанлыкым модернизроватлыме йодышым ончымо. Тидлан полышым республике вич ий жапыште налшаш. Сессий почеш протокол пунчалым лукмо. Тушто яллан полышым пуаш да изи бизнеслан полшаш федерал оксан кугытшо ешаралтшаш манын ончыктымо.