Пӱртӱс газлан парым шагалемын

Республикыштына пӱртӱс газ дене пайдаланымылан калыкын парымже шагалемын. Кодшо тылзын калык 7  миллион наре теҥге парымжым тӱлен. Тӱлыдымыжӧ эше 41 миллион кодын. Тидыже газым ситарыше «Газпром межрегионгаз Йошкар- Ола» предприятийын тӱлымӧ дисциплиным пеҥгыдемдымыжлан кӧра лийын. Парыман- влак эре шижтарымашым налын шогат. Лектыш ок лий гын, пашам судыш колтат. Идалык тӱҥалтыш гыч мировой судья- влак 7 миллион утла теҥге парымым пӧртылтыкташ кок тӱжем утла решенийым луктыныт. Лектышым кондышо эше ик йӧнлан газым йӧртымаш шотлалтеш. Идалык тӱналтыш гыч 650 пачер ден посна пӧртым канде тул деч посна кодымо. Тидыже сай лектышыш шуаш полша.