Муса Галлямов тӱнямбал турнирыште сеҥышыш лектын

Румынийысе Констанца олаште 12-шо гыч 17-ше сентябрь марте кӧреш кучедалмаш дене Тӱнямбал турнир эртен. Спорт туризм министерствын увертарымыж почеш, Российын сборный командыштыже Марий Элысе олимпий резерв комплексный спорт школ гыч Муса Галлямов лийын. Тудо вич кучедалмашым эртарен да кажныштыже сеҥышыш лектын. Тыге тудо турнирын сеҥышыже лийын. Ушештарена: июльышто Муса кӧреш кучедалмаш дене Клайпеда олаште Тӱнямбал таҥасымаште эн ончык лектын ыле.