Мини-зоопарк омсажым почеш
Медведевысе «Юзо- отро» почылташ ямдылалтеш. Эрла 11-ше июльышто, мини-зоопаркым почаш палемдыме. Тымарте тудо чер шарлыме лӱдыкшылан кӧра петырыме ыле. Зоопаркын директоржо Алевтина Килюшикын мутшо почеш, район администраций гыч официальный документ толмек, «Юзо-отро» калыклан вигак почылтеш, но маскым чиен, дистанцийым эскерен пурыман. Петырыме жапыште зоопаркын ешыже ешаралтын. Чернобурка ден рывыжын игышт шочын. Нуно кок тылзаш лийыныт. Чыве ден лудо- влакат шке игыштым куштат.