Марий Элыс социал-экономик велым вияҥдыме программым Дмитрий Медведевлан пуат

Марий Элым вуйлатыше Александр Евстифеев республикысе правительство председательын икымше алаштышыже Александр Сальников дене пашаче вашлиймашым эртарен. Нуно кундемнам социально- экономически вияҥдыме йодышым каҥашеныт. Александр Евстифеев каласен: вашлиймашын темыже- республикым социал-экономик велым вияҥдыме федерально-республиканский программым пырля ыштыме проект. Лишыл кечылаште эше моло 9 субъект дене пырля программе проект- влакым Российын Премьер- министрже Дмитрий Медведевлан ончыктыман. Программын пӱрымашыже могайрак улеш? Правительстве председательын икымше алмаштышыжын мутшо почеш, прогамме исполнительный кучемын федерал органлаштыже согласованийым эртен. Российын минстройышкыжо тудым жапыштыже колтымо ыле, вара федерал кучем дене келыштарымаш лийын. Тудо 9 министерстве да департамент гоч эртен. Икмыняр замечаний лийын. Но ме тудым 10 кече жапыште чыла тӧрленна, - ешарен Александр Сальников. Ушештарена: августышто Марий Элыш куратор- Российын чоҥымаш, илыме вер да коммунал озанлык министрже Владимир Якушев толын ыле. Тудо икмыняр объектым ончен да совещанийым эртарен. Тидыже регионым социал- экономик велым вияҥдыме тӱҥ корно- влак дене стратегий сессий- влаклан тӱҥалаш амалым пуэн. Нунын негызеш республикым чолган социал-экономик вияҥдымашлан планым ыштыме.