Марий тиште кечын программыже пеш кумда
Марий тиште кече кумдан палемдалтшаш. Тудын кышкарыште кугу мероприятий эрта- «Марий тиште кече» форум. Тудо мер-политик рӱдерыште кая. Тудын радамыште шочмо йылмым туныктышо- влак ассоциацийын кумдаҥдыме заседанийже, йыргешке ӱстел йыр каҥашымаш- влак, виш лекций, выставке, мастер-класс, усталык лабораторий, презентаций, модмаш, концерт да молат лийыт.
