Россий казначейство шочмо кечыжым палемден
Теҥгече Россий казначействын кечыже палемдалте. Тудым ыштымылан 27 ий темын. Федерал казначействын пашаеҥже да ветеранже- влак республикым вуйлатыше Александр Евстифеев пайремышт дене саламлен. Казначей системым ыштыме деч вара эртыше ий- влак ончыктеныт, обществын да экономикын вияҥмыже могай финанс политикым ойырен налме дене чак кылдалтын. Тудын ик чолга участникшылан казначейство шотлалтеш. Тудо кугыжанышын экономик системыжын ойыраш лийдыме ужашыже улеш. Виктемын пашаеҥже- влак эре келге шинчымаш, йодыш- влакым сайын палымаш, ответственность да пашам лийжак манын ыштымаш дене ойыртемалтыт. Тыгай качестве- влак налогым тӱлышӧ- влак деч пурышо окса калыкын интересшылан кучылталтше манын, тыршаш йӧным пуат. Пайрем кечын чылалан тазалыкым, пиалым, улан илышым да профессионал пашаште сеҥымаш- влакым тыланем, - ойлалтеш республикым вуйлатышын саламлымашыштыже.