У ий пайремлан ешартыш поезд- влак кошташ тӱҥалыт
У ий пайремлан Йошкар-Ола гыч Москош ешартыш поезд- влакым колтат. Моско гыч Йошкар-Олаш поезд 28-ше да 31-ше декабрьыште, 6-шо, 7-ше да 8-ше январьыште ик шагатат 40 минутышто лектеш да 18 шагатат вич минутышто Йошкар-Олаш толын шуэш. Йошкар-Ола гыч Москош 28-ше да 30-шо декабрьыште, тыгак 1-ше, 6-шо, 7-ше, 8-ше январьыште 23 шагатат 10 минутлан кая да рӱдолаш вес кечынже 16 шагатат 7 минутлан миен шуэш. Тыге, У ийым корныштат вашлияш лиеш, але тудым вашлиймеке, вигак родо-шочшо да лишыл еҥ- влак деке уналыкеш тарванаш лиеш.
