Свердловск область дене кыл вияҥшаш
Марий Элым вуйлатыше Александр Евстифеев ден Свердловск областьын губернаторжо Евгений Куйвашев пашаче вашлиймашым эртареныт. Нуно кок субъект коклаште ужалкалыме да экономике, шанче да технике, социал, туризм да тӱвыра аланыште вашкыл нерген мутланеныт. Губернаторын мутшо почеш, кок кундем коклаште вашкыл шагал огыл, но промышленный коопераций, социал илыш, тазалыкаралтыш, туныктыш да тӱвыра корнышто кылым вияҥдаш йон уло. Марий Элым вуйлатышат кок регион коклаште вашкыл вияҥеш манын ӱшаным каласен. Тӱрлӧ отрасльыште опыт дене ваш палдараш лийме йӧным каҥашеныт. Губернаторын пресс-службыжын увертарымыж почеш, Сверловск областьыште 24 тӱжем марий ила. Нуно Кыдал Уралысе Арти, Ачит, Красноуфим районлаште тӱшкан илат. Марий- влакын икмыняр калыкле- тӱвыра организацийышт пашам ышта.