Уфа олаште Ачамландын Геройжо- влакын кечышт вашеш Юл кундем округын пайрем мероприятийже- влак лийыныт
Кугарнян Юл кундем округышто Ачамландын Геройжо- влакын кечышт вашеш пайрем мероприятий- влак эртеныт. Тений тудо Уфа олаште лийын. Тушко Российын 18 Геройжо миен, тунемме тӧнежлаште патырлык урок- влакым эртареныт. Полпред Игорь Комаров, Башкортостаным вуйлатыше Радий Хабиров, Россий Вооруженный вийын тӱҥ сарзе-политик виктемжым вуйлатышын алмаштышыже Виктор Мисковец вуйым пыштыше герой- влакым шарналтен, курымашлык тул воктеке венокым пыштеныт. Марий Элын делегацийже радамыште Совет Ушемын Геройжо Алексей Громовын эргыже Александр Громов, Слава орденын тичмаш кавалерже Василий Васенёвын ӱдыржӧ Маргарита Винокурова лийыныт.