Таче- Ачамландын Геройжо- влакын кечышт

Таче Российыште Ачамландын Геройжо- влакын кечышт палемдалтеш. Тудым Россий Федерацийын законжо дене 2007-ше ийыште пеҥгыдемдыме. А шке историйжым тудо 18-ше курым гычак налеш. Императрица Екатерина Втораян кугыжа улмыж годым 1769-ше ийыште Шнуй Георгий Победоносецын орденжым пеҥгыдемдыме. Тудым сарыште лӱддымылыкым, патырлыкым да чолгалыкым ончыктышо салтак- влаклан кучыктеныт. Орденын ныл степеньже уло. Икымшыже эн кугулан шотлалтеш. Чыла ныл степеньже денат ныл еҥым наградитлыме. Тиде- полководец- влак Михаил Кутузов ден Барклай-де-Толли. Екатерина Вторая шкенжымат тиде награде дене палемден. 2007-ше ийыште орденлан эн кӱкшӧ сарзе награде статусым пӧртылтымӧ. Герой- влакын кечынже патырле кугезе- влакым шарналтат, Совет Ушемын Геройжо- влакым, Россий Федерацийын Геройжо- влакым Шнуй Георгийын орденжым налше- влакым да Слава орденын кавалерже- влакым чапландарат. Тиде кече лӱмеш Москошто, Кремльын Георгиевский залыштыже торжественный приём эрта.