Ик арня гыч Йӱштӧ Кугызан илемже почылтеш
Марий Йуштӧ Кугызан резиденцийже 18-ше декабрьыште почылтеш. Шернур районын эн йӱдвелныже верланыше Кукнур селаште марий Йӱштӧ Кочан илыме верже верланен. Тудлан верысе прописке дене паспортым 2012-шо ийын кучыктеныт. Йӱштӧ Кугыза ден Лумӱдырын илемышт Юзо кочан шочмо кечыже вашеш 18-ше декабрьыште шке омсажым почеш. Ушештарена: Марий Шорыкйол пайрем пурымо кечын, 22-шо декабрьыште, марий Йӱштӧ Коча шке шочмо кечыжым пайремла. Нунын деке унала теле тылзын 18-ше кечыж гыч 1-ше март марте мияш лиеш.
