Марий Кугыжаныш филармонийын у полатшым чоҥен пытараш оксам ойырат

Россий правительстве дечын  куандарыше увер толын. «Тӱвыра» калыкле проектым шыҥдараш кум миллиардат 500 миллион теҥгем ойыраш распоряженийым Дмитрий Медведев пеҥгыдемден. Тиде окса регионлаште театр, тоштер, усталык пӧрт- влакым уэмдаш кайышаш. Окса 15 кундемлан ойыралтеш. 2020-шо ийыште 460 миллион, 21-ше ийыште 920 миллион, 22-шо ийыште кок миллиард теҥге колталтеш. Распоряженийыште могай объектлан окса кайышашым раш ончыктымо. 15 кундем коклаште Марий Элат уло. Марий Кугыжаныш филармонийым чоҥен пытарашлан 316 миллион теҥгем пуат. Эн шуко оксам Махачкала налеш- 500 миллион теҥгем. Тушто «Лезгинка» ансамбльлан куштымо пӧртым чоҥат.