«Марий краевед» клуб эрла вашлиймашке вуча

Чавайн лӱмеш калыкле книгагудын калыкле краеведений сылнымут да библиографий пӧлкаштыже 12-шо декабрьыште 15 шагатлан «Марий краевед» клубын черетан погынымашыже лиеш. Заседанийышке краевед- влак: Советский район гыч Леонид Киртаев, Медведево район гыч Григорий Ласточкин да шочмо кундемым шымлыше моло уста еҥ- влакым ӱжмӧ. Клубышто тыгак лӱмлӧ шанчыеҥ, историй наука доктор, Марий кундемын 16-18-ше курымласе илышыжым шымлыше Геннадий Айплатовлан пӧлеклалтше библиографий указательын презентацийже лиеш. Тушко учёныйын 1966-шо гыч 2018-ше ий марте савыкталтше пашаже- влак, илышыже да усталык пашаже нерген материал- влак пуреныт. Вашлиймашке Геннадий Николаевичын пырля пашам ыштыше йолташыже, преподаватель да студент- влакым ӱжмӧ. Тыгак чыла кумылан- влакым вучат.