Марий Эл ден Кипр коклаште- телекӱвар
Марий Элысе да Кипрысе школлаште тунемше- влак «Илыше классика» лудшо- влакын Тӱнямбал конкурсышт кышкарыште телекӱварыште участвоватлат. Тудо 11-ше декабрьыште Йошкар-Оласе туныктымо качествым аклыме да увер технологий рӱдерыште лиеш. Мемнан республикысе тунемше- влак вияш эфирыште тора элысе Лимассол олаште Морфосис частный руш школышто тунемше- влак дене мутланен кертыт. Нуно конкурсыш ушнымышт, йӧратыме произведений- влак, шонымашышт да кумылышт нерген каласкалат. Актёр мастарлык дене мастер-классыште моштымашыштым ончыктат.
