Марий Элыште икымше гана «Кӱчык кинон кечыже» лиеш

Россий мучко ынде кудымшо гана «Кӱчык кинон кечыже» эртаралтеш, а Марий Элыште икымше гана лиеш. Нуным тӱшкан тӱрлӧ площадкылаште ончыктат: театрыште, книгагудышто, школ ден тоштерлаште да моло вереат. Ончаш мийыше- влак фестивальлаш лукмо пытартыш ийласе эн сай фильм- влакым ончен кертыт. Марий Элыште 16-шо гыч 19-ше декабрь марте ныл площадке лиеш. 16-шо декабрьыште 10 шагатлан Колумб лӱмеш книгагудыш мияш лиеш. 17-ше декабрьыште Медведево районысо Знаменский школышто 14 шагатат 20 минутлан ончыктат. 18-ше кечын 8 шагат эрдене Йошкар-Оласе 1-ше школышто, 19-ше числан 14 шагатлан Чавайн лӱмеш книгагудышто «Еш кино» программым ончаш лиеш.