Марий Элым вуйлатышын ёлкыжо- влак тӱҥалыт

Марий Элым вуйлатышын ёлкыжо- влакым школышто тунемше- влаклан 20-шо декабрь гыч эртараш тӱналыт. Александр Евстифеевын тӱналтышыже почеш 20-шо, 24-ше да 25-ше декабрьыште Республикысе Курчак театрыште ынде поро йӱлаш савырныше пайрем- влак лийыт. У ий представленийыште олимпиадылаште, конкурслаште, выставке ден фестивальлаште, спорт танасымашлаште  сеҥыше да призёр- влак, мер толкынлан чолга еҥышт, шуко шочшан да начарын илыше ешла гыч, тулык йоча- влак да марий йылмым тунемше-влак участвоватлат. Марий Эл гыч 18 тунемшым Угарманыш У ийым пайремлаш ӱжыныт. Тушто Юл кундем округын пайремже 24-ше декабрьыште, полпред Игорь Комаровын тергымыж почеш лиеш. Погынышо- влаклан Угарман Кремльыште У ий пайремым да ола мучко экскурсийым эртарат.