Марий Элым вуйлатыше Дмитрий Медведевын эртарыме заседанийыште лийын
Теҥгече Россий президент пеленысе стратегически вияҥмаш да калыкле проект- влак шотышто Советын заседанийжым элысе правительствын председательже Дмитрий Медведев регионлам вуйлатыше- влак дене видеоконференций йӧн дене эртарен. Тушто Президент Владимир Путинын майысе указше- влакым субъект-шамычын кузе шуктымышт шотышто пӱсын шогышо йодыш- влакым каҥашыме. Икымше йодыш кышкарыште «Экологий» проект нерген ойлымо: шке вуя чумырымо шӱк- куштыра орам кораҥдыме, нуным вераҥдыме кундем- влакым рашемдыме, нунын дене пашам ыштыме, йӱшаш вӱдым ситарыме объект- влакым чоҥымо да пужен ыштыме паша- влак. Марий Эл нерген ойлаш гын, отход дене пашам ыштыме территориальный схемым ыштыме, нунын верланыме кундем- влакым рашемдыме. Республикыште 18 тыгай объект уло, 17-шым кугыжаныш реестрыш пуртымо. Иктыштыже вер коддымылан кӧра реестр гыч лукмо. Премьер- министрын каҥашыме кокымшо йодыш «Илыме вер да оласе кумдык» проектым шыҥдарымаш. Тудын полшымо дене ипотека кредитын процент ставкыже кыдалаш кӱкшытыш волышаш, кундемлаште илыме вер- влакым чоҥаш, тошто пӧртла гыч калыкым кусараш полшышаш. Марий Элыште Президентын шындыме задаче- влакым шукташ «Ипотека», «Илыме вер», «Йӧнан оласе кумдыкым ыштымаш», «Тошто пӧрт- влакым пытарымаш» проект- влак полшышаш улыт. Мутлан, илаш йӧрыдымӧ пӧртла гыч кусарымаш икмыняр йыжыҥ дене эрта. Икымшыштыже- тений да шушаш ийын- 700 еҥым кусарыман. Кызыт илыме верым налаш контракт- влак ышталтыт да 10 тӱжем квадрат метр тошто илем кораҥдалтшаш.
