Тений Йошкар- Олаште ик верыште гына кожым ужалаш палемдыме
Йошкар-Ола администрацийын увертарымыж почеш оласе калыклан лӱсан пушеҥгым да кож лӱсым ситараш манын, ёлко пазарым вераҥдаш аукционым эртарыме. Тушто олан тӱрлӧ кумдыкыштыжо верланыше ныл вер таҥасен. Тыге кожым ужалыме официальный вер Воин- интернационалист- влак уремысе 28-ше пӧрт воктене лиеш. Кож пазар 24-ше декабрьыште почылтеш да 31-ше кече марте пашам ышта. Ужалкалыме вер- влакым закондымын вераҥдымылан штрафым тӱлыктен кертыт.